ارسال

كۆبوونه‌وه‌ی كرێكارانی كاشی گیلانا له‌ تاران


2017-11-14| ۱۳۹۶-۰۸-۲۳

كۆمه‌ڵێك له‌ كرێكارانی كاشی "گیلانا" ڕۆژی سێشه‌ممه‌ ٢٣ی مانگی خه‌زه‌ڵوه‌ر چوون بۆ تاران و له‌ ناڕه‌زایه‌تیی به‌ بیلاته‌كلیفی ١٠٠ كه‌س له‌ هاوكاره‌كانیان به‌هۆی داخرانی ئه‌م ناوه‌نده‌ به‌رهه‌مهێنه‌ره‌، له ‌به‌رامبه‌ر بینای نووسینگه‌ی ناوه‌ندی ئه‌م كارخانه‌یه‌ كۆبوونه‌وه‌.
كرێكارانی ناڕازیی سه‌باره‌ت به‌ كۆبوونه‌وه‌كه‌یان ڕایانگه‌یاند، به‌دوای په‌سه‌ند كرانی كۆمیسیۆنی كرێكاریی شارستانی ڕوودبار له‌ ئۆستانی گیلان، له مانگی به‌فرانباری پاره‌كه‌وه‌ ئه‌م ناوه‌نده‌ به‌رهه‌مهێنه‌ره‌ بۆ ماوه‌ی شه‌ش مانگ داخرا و تێكڕای ١٠٠ كرێكاری ئه‌م ناوه‌نده‌ سه‌نعه‌تییه‌ به‌ شێوه‌ی كاتی به‌ بیمه‌ی بێكاری ناسێندران. ناڕازییان وێڕای ئاماژه‌ به‌وه‌یكه‌ له‌ ئێستادا سێ مانگ به‌سه‌ر‌ ماوه‌ی شه‌ش مانگه‌ی داخرانی ئه‌م كارخانه‌یه‌ تێپه‌ڕده‌بێت، ده‌شڵێن هێشتا هیچ هه‌نگاوێك به‌ئاڕاسته‌ی خستنه‌وه‌ گڕی كارخانه‌ی هه‌ڵنه‌گیراوه‌ و حه‌قده‌ست و مه‌زایای كرێكارانیش په‌رداخت نه‌كراوه‌. له‌ لایه‌كی دیكه‌وه‌ ماوه‌ی بیمه‌ی بێكاری زۆربه‌ی ئه‌م كرێكارانه‌ش كۆتایی پێهاتووه‌. به‌وته‌ی ناڕازییان، كرێكارانی كاشی گیلانا ٢٠ تا ٤٠ مانگ حه‌قده‌ست و مه‌زایای دواخراویان هه‌یه‌ كه‌ به‌شێكی به‌رچاوی، پێوه‌ندی هه‌یه‌ به‌ ساڵه‌كانی ٨٩وه‌ تا مانگی به‌فرانباری ساڵی ٩٣.

دوایین هه‌واڵه‌كان