ارسال

كۆبوونه‌وه‌ی سه‌رله‌نوێی كارگێڕانی بیمه‌ی كه‌شاوه‌رزی


2017-07-17 | ۱۳۹۶-۰۴-۲۶

ڕۆژی یه‌كشه‌ممه‌ ٢٥ی مانگی پووشپه‌ڕ، ژوماره‌یه‌ك له‌ كارگێڕانی بیمه‌ی كه‌شاوه‌رزی بۆ چه‌نده‌مین جار، له‌ ناڕه‌زایه‌تیی به‌ یه‌كلانه‌بوونه‌وه‌ی بارودۆخی دامه‌زرانیان له‌ به‌رامبه‌ر ڕێكخراوی به‌رنامه‌ و بوودجه‌ی ڕژیم كۆبوونه‌وه‌.
به‌ پێی ڕاپۆرته‌ بڵاوكراوه‌كان، گرینگترین ویستی ئه‌م كارگێڕانه‌ كه‌ به‌ شێوه‌ی مامناوه‌ند پێشینه‌ی ١٢ ساڵ كاریان هه‌یه‌، دیاری كردنی بارودۆخی پیشه‌یی و به‌ستنی قه‌راردادی ڕاسته‌وخۆ له‌گه‌ڵ سندووقی بیمه‌ی كه‌شاوه‌رزییه‌. ناڕازییان له‌مباره‌وه‌ ده‌ڵێن، سه‌ره‌ڕای چه‌ندین ساڵ خزمه‌ت له‌م ناوه‌نده‌، نه‌ك هه‌ر قه‌راردادیی شوغڵیان نییه‌ به‌ڵكوو له‌ خزمه‌تگوزاریی بیمه‌ش بێبه‌شن. شیاوی باسه‌، كارگێڕانی سندووقی بیمه‌ی كه‌شاوه‌رزیی سه‌رتاسه‌ری ئێرانیش پێشتر چه‌ندینجار چووبوونه‌ شاری تاران و كۆبوونه‌وه‌ی ناڕه‌زایه‌تییان وه‌ڕێخستبوو، به‌ڵام هه‌تا ئێستا به‌ ویست و داواكارییه‌كانیان ڕانه‌گه‌یشتوون.

دوایین هه‌واڵه‌كان