ارسال

كۆبوونه‌وه‌ی ناڕه‌زایه‌تیی كرێكارانی ئاو له‌ شارستانی له‌نده‌


2018-01-13| ۱۳۹۶-۱۰-۲۳

به‌ پێی ڕاپۆرته‌ بڵاوه‌كراوه‌كان، هاوكات له‌گه‌ڵ چاوپێكه‌وتنی جێگری ئاوه‌دان كردنه‌وه‌ی پارێزگای كۆهكیلویه‌ و بۆیێر ئه‌حمه‌د له‌ پڕۆژه‌ی ئیستگای پۆمپاژی ئاوی له‌ گونده‌كانی به‌شی "مۆگێرمۆن"ی شارستانی له‌نده‌ كه‌ به‌ ئاماده‌ بوونی به‌رپرسی گشتی ئاو و ئاوه‌ڕۆی گونده‌كان به‌ڕێوه‌چوو، ژماره‌یه‌ك له‌ كرێكارانی ئاو له‌ ناڕه‌زایه‌تیی به‌ بارودۆخی پیشه‌یی و گوزه‌رانیان كۆبوونه‌وه‌.

كرێكارانی ناڕازیی ئیداره‌ی ئاو و ئاوه‌ڕۆی گوندنشینه‌كان له‌ شارستانی له‌نده‌ وێڕای ئاماژه‌ به‌ به‌ڵێنه‌ پووچه‌كانی به‌رپرسان ڕایانگه‌یاند: نه‌درانی هه‌قده‌سته‌كانیان كێشه‌ی زۆری له‌ بواری به‌ڕێچوونی ژیان بۆ خۆیان و بنه‌ماڵه‌كانیان پێكهێناوه‌ و چی دیكه‌ ناتوانن ئه‌م بارودۆخه‌ ته‌حه‌موڵ بكه‌ن. ئه‌وان وێڕای ئاماژه‌ به‌ نه‌درانی هه‌قده‌ستی ١٣ مانگیان ڕایانگه‌یاند، هه‌تا ئێستا چه‌ندین جار له‌ به‌رامبه‌ر ناوه‌نده‌ جۆراوجۆره‌ ده‌وڵه‌تییه‌كان ده‌ستیان داوه‌ته‌ كۆبوونه‌وه‌ی ناڕه‌زایه‌تیی، به‌ڵام هه‌تا ئێستا هیچ كاربه‌ده‌ستێكی به‌رپرس وڵامده‌ره‌وه‌ی داواكارییه‌كانیان نه‌بووه‌.

دوایین هه‌واڵه‌كان