ارسال

درێژه‌ی كۆبوونه‌وه‌ی كرێكارانی په‌یمانی به‌نده‌ری خۆمه‌ینی


2018-02-14| ۱۳۹۶-۱۱-۲۵

كۆمه‌ڵێك له‌ كرێكارانی په‌یمانی شاغڵ له‌ یه‌كه‌كانی پیترۆشیمی ناوچه‌ی تایبه‌تی ئابووری "به‌نده‌ری خۆمه‌ینی" ڕۆژی چوارشه‌ممه‌ ٢٥ی مانگی ڕێبه‌ندان، جارێكی دیكه‌ له‌ ناڕه‌زایه‌تیی به‌ په‌رداخت نه‌كرانی حه‌قدسته‌كانیان، له‌ به‌رامبه‌ر فه‌رمانداری ڕژیم له‌مشاره‌ ده‌ستیان دایه‌ كۆبوونه‌وه‌.
به‌ پێی ئه‌م ڕاپۆرته‌، نزیكه‌ی ١٥٠ كرێكاری په‌یمانی شاغڵ له‌ یه‌كه‌ پیترۆشیمییه‌كانی به‌نده‌ری خۆمه‌ینی له‌ ناڕه‌زیاه‌تیی به‌ هه‌ڵاواردن له‌ په‌رداختی حه‌قده‌ستی كرێكارانی په‌یمانی و قه‌راردادی ناڕه‌زایه‌تییان ده‌ربڕی. به‌ وته‌ی كرێكاران، هه‌قته‌ی ڕابردووش كۆمه‌ڵێك له‌ كرێكارانی په‌یمانی شاغڵ له‌ یه‌كه‌كانی پێترۆشیمی ده‌ستیان دایه‌ مانگرتن له‌ خواردن، به‌ڵام هه‌تا ئێستا هیچ كاربه‌ده‌ستێكی به‌رپرس وڵامێكی ڕوونی پێیان نه‌داوه‌ته‌وه‌. ئه‌وان هه‌روه‌ها ده‌ڵێن، ماوه‌یه‌كه‌ كرێكارانی ئه‌م پیترۆشیمیه‌، له‌ پڕۆژه‌ جۆراوجۆره‌كان خه‌ریكی كارن، به‌ڵام سه‌ره‌ڕای ئه‌وه‌یكه‌ بارودۆخی كاریان وه‌ك یه‌كه‌، حه‌قده‌سته‌كانیان له‌ چاو كرێكارانی قه‌راردادی ڕاسته‌وخۆ به‌ شێوه‌یه‌كی به‌رچاو له‌ خواره‌وه‌یه‌.

دوایین هه‌واڵه‌كان