ارسال

به‌ڕێوه‌چوونی دوو كۆبوونه‌وه‌ی ناڕه‌زایه‌تیی له‌ ئیلام


2017-07-15 | ۱۳۹۶-۰۴-۲۴

ڕۆژی شه‌ممه‌ سه‌دان كه‌س له‌ كرێكارانی پێترۆشیمیی ئیلام و جووتیارانی به‌شی ناوه‌ندیی زاگرۆس هه‌ڵكه‌وتوو له‌ شارستانی "چارداوڵوو"، به‌ شێوه‌ی جیاجیا له‌ ناڕه‌زایه‌تیی به‌ سه‌رنج نه‌دانی كاربه‌ده‌ستان به‌ ویست و داواكارییه‌كانیان ده‌ستیاندایه‌ كۆبوونه‌وه‌.
به‌ پێی ڕاپۆرته‌ بڵاوكراوه‌كان، سه‌دان كه‌س له‌ كرێكارانی پێترۆشیمیی ئیلام بۆ جارێكی دیكه‌ له‌ ناڕه‌زایه‌تیی به‌ نه‌درانی هه‌قده‌ست و مه‌زایاكانیان و هه‌روه‌ها له‌ ناڕه‌زایه‌تیی به‌ ده‌ركرانی ٨ كه‌س له‌ هاوكاره‌كانیان له‌ به‌رامبه‌ر نووسینگه‌ی ئه‌م شیركه‌ته‌ كۆبوونه‌وه‌. كرێكارانی ناڕازیی وێڕای وتنه‌وه‌ی چه‌ندین درووشم، خوازیاری گه‌ڕانه‌وه‌ی هاوكاره‌كانیان بۆ سه‌ر كار و درانی سه‌رجه‌م هه‌قده‌ست و مه‌زایاكانیان بوون. هه‌روه‌ها جووتیارانی به‌شی ناوه‌ندیی زاگرۆس له‌ شارستانی "چارداوڵوو" له‌ ڕێگه‌ی به‌ڕێوه‌بردنی كۆبوونه‌وه‌یه‌ك له‌ به‌رامبه‌ر ئۆستانداریی ڕژیم له‌ ئیلام له‌ئاست له‌ناوچوونی زه‌ویی و باغاته‌كانیان به‌هۆی لێدانی به‌نداوی "سه‌یمه‌ره‌" و كه‌مته‌رخه‌می به‌رپرسان، ناڕه‌زایه‌تییان ده‌ربڕی و خوازیاری پێڕاگه‌یشتن به‌م كێشه‌یه‌ بوون.

دوایین هه‌واڵه‌كان