ارسال

كوژرانی ٤ ژن له‌ كرماشان


2018-01-12| ۱۳۹۶-۱۰-۲۲

سه‌رچاوه‌ هه‌واڵنێرییه‌كانی ئێران ڕایانگه‌یاندووه‌ كه‌ ٤ ژن له‌ كرماشان به‌هۆی ته‌قه‌ی كه‌سانی نه‌ناسراو گیانیان له‌ده‌ستداوه‌.
له‌م پێوه‌نده‌دا، جێگری كۆمه‌ڵایه‌تیی هێزی ئینتزامی ئۆستانی كرماشان ڕایگه‌یاند، هێرشبه‌ره‌كه‌ ناسراوه‌ته‌وه‌ و عه‌مه‌لیات بۆ ده‌ستبه‌سه‌ركرانی درێژه‌ی هه‌یه‌. ڕۆژی هه‌ینی ٢٢ی به‌فرانبار سه‌رنشینانی ئۆتۆمبێلێكی سه‌واری له‌ باغی "فێرده‌وس"ی كرماشان ته‌قه‌یان كرد به‌سه‌ر خه‌ڵكدا و له‌ئه‌نجامدا ٤ ژن كوژران. هه‌واڵنێریی ئیسنا كێشه‌ی بنه‌ماڵه‌یی به‌ هۆكاری ئه‌م ته‌قه‌كردنه‌ ناوبردووه‌. هه‌ر له‌م پێوه‌نده‌دا، جێگری كۆمه‌ڵایه‌تیی ناجا ڕایگه‌یاند، ئاماری قه‌تڵه‌ بنه‌ماڵه‌ییه‌كان له‌ ئێران چووه‌ته‌سه‌رێ و له‌ئه‌گه‌ری نه‌گرتنه‌به‌ری ڕێكارێكی گونجاو، زیانێكی جیدی وه‌به‌ر ‌وڵات ده‌كه‌وێت.

دوایین هه‌واڵه‌كان