ارسال

گیان له‌ده‌ستدانی كۆڵبه‌رێك به‌ هۆی سه‌رما


2018-01-13| ۱۳۹۶-۱۰-۲۳

به‌ پێی هه‌واڵه‌كان، ڕۆژی پێنجشه‌ممه‌ پۆلێك له‌ كۆڵبه‌ران ده‌كه‌ونه‌ كه‌مینی هێزه‌كانی كۆماری ئیسلامی و له‌ كاتی هه‌ڵهاتن له‌ده‌ست هێزه‌كانی ڕژیم ڕێگه‌كه‌یان لێ ون ده‌بێت و به‌ هۆیه‌وه‌ كۆڵبه‌رێك دوای دوو ڕۆژ مانه‌وه‌ له‌ نێو به‌فر و سه‌رما گیانی له‌ده‌ست ده‌دات.

سوله‌یمان خزری ته‌مه‌ن ٣٧ ساڵان خه‌ڵكی ئاوایی "كانی مام سه‌یده‌"ی شاری نه‌غه‌ده‌ له‌ كاتی هه‌ڵهاتن له‌ ده‌ست هێزه‌كانی ڕژیم ڕێگه‌ی لێ ون ده‌بێت و دوای دوو ڕۆژ به‌ هۆی سه‌رما له‌ شاخه‌كانی پیرانشار گیانی له‌ده‌ست ده‌دات. شایانی باسه‌ ته‌رمی ناوبراو دوای دوو ڕۆژ له‌ لایه‌ن دانیشتوانی ناوچه‌كه‌وه‌ دۆزراوه‌ته‌وه‌. جێگه‌ی ئاماژه‌یه‌ له‌ ماوه‌ی ئه‌مساڵدا دوو كۆڵبه‌ری دیكه‌ به‌ ناوه‌كانی "هیوا مۆسته‌فه‌وی و ئیدریس بایزیدی" به‌ هۆی سه‌رما و سۆڵه‌وه‌ گیانیان له‌ده‌ستدا.

دوایین هه‌واڵه‌كان